Eguraldia
Joxe Landaren iragarpena
Gaurko eguraldia

EGURALDI DOTOREA EGUZKIA BISTAN DELA ETA EPELAGO

Dotoreziak eta goxotasunak behintzat galanki irabaziko dute, eguzkia bistan dela. Zeru sabaia urdin eta goizeko behe laino eta ganduak ere laster xurgatuko ditu eguzkiak, hego ukituko haize leunak lagunduta. Hala ere, kosta egingo zaio tenperatura asko igotzea, baina giroaren goxotasuna nabaritzeko heinean lortuko du hori ere. Europako antizikloiaren eta Atlantikoko borraskaren isobarek konbinazio ona egingo dute lur honetan giro ona bermatzeko. Goizeko freskura eta behe laino batzuk izango dira gaurko akatsik handienak eta gutxi iraungo dute horiek ere.

Bihar

EPEL, BAINA HAIZEAREN ALDAKETA ETA HODEIAK ZERUAN

Goiz partean hego ukitua ibiliko du haizeak epeltasunari eutsiz, baina arratsaldean ipar- mendebaldetik jarri eta kaskartzen hasiko da giroa. Goxo eta atsegina goiz partean eta iluntzerako pixka bat petraltzera. Fronte bat izango dugu gainean iluntzerako eta euri lardatsa botako du gauean zehar kostaldea zigortuz. Iparraldeko borraskak bidaliko digun fronte honek giro kaskarra jarriko du biharko tenperatura jaitsiz. Baina gaur giro ona ordu gehienetan. Eguerdi aldera epeldu ere egingo du pixka bat. Lurralde osoan izango da giro ona gaur.

Joxe Landa. (Gorka RUBIO / ARGAZKI PRESS)