GUREAN GAUR

Gasteizko legebiltzarreko alderdi guztiek erabakitzeko eskubideari buruz eztabaidatu dute Leioan

EHUko kanpusean antolatutako mahai-inguruan, EAJko Joseba Egibarrek, EH Bilduko Rebeka Uberak, Elkarrekin-Podemos-eko Lander Martinez, PSE-EEko Jose Antonio Pastor eta PP-ko Anton Damborenea aritu ziren.

Euskadiko Gazteriaren Kontseiluak eta EHUko Ikasleen Kontseiluak Gazte Eztabaida mahaingurua antolatu zuten atzo Erabakitzeko eskubidearen inguruan Leioako kanpusean. Bertan izan ziren legebiltzarreko alderdi politikoetako ordezkariak iraganaz, etorkizunaz eta gazte perspektiba txertatzeko ahaleginean.