GUREAN GAUR

EH Bilduk eta EH Baik Iruñean eta Donibane Garazin deitu dituzte Aberri Eguneko mobilizazioak

Aberri Egunaren ospakizuna dela eta, EH Baik eta EH Bilduk mobilizazioetarako dei egiteaz gain, hainbat gogoeta eta hausnarketa plazaratu ditu Donostiako egoitzan egindako agerraldian.

Aurten lehenengo aldiz, Independentista Sareak ez du mobilizaziorik antolatu, ez duelako deialdi bateratua egiterik lortu. Beraz, bi alderdiek eurena deitzea erabaki dute eta azpimarratu dute Aberri Eguneko ospakizuna herritar guztiona dela.

"Herriaren eraikuntza nazionala eta eraldaketa soziala bultzatzeko nazio estrategia baten baitan biltzeko prest azaldu dira" eta dei egin dute apirilaren 21ean Iruñean eta Donibane Garazin egingo dituzten Aberri Eguneko ekitaldietan parte hartzera.