Bea Ilardia Bizkaiko Foru Aldundiko zerrendaburuak eta Jone Goirizelaia Bilboko alkategaiak agerraldi bateratua egin dute Indautxu plazan, Copenhague-ko udaletxeko zinegotzi ohi Ulrik Rohr-ekin batera. Bertan, Ilardiak gogor kritikatu du Rementeriaren diskurtsoa eta Bizkaiko langabezia tasa Arabakoa eta Gipuzkoakoa baino altuagoa dela nabarmendu du. Goirizelaiak, bestalde, Bilboko Udalak eskaintzen dituen babes sozialerako laguntzen gabezia salatu du.