53 urteko emakume bat etxean hilik aurkitu du Frantziako Poliziak larunbatean Baionan, eta bere bikotekidea atxilotu dute hilketa egotzita. 52 urteko gizonak aurrekariak ditu genero indarkeriagatik. Gizonak berak eman zuen abisua larrialdietara dei baten bidez, etxera heltzerakoan emakumea jada hilda aurkitu zuela esanez. Emakumeak, baina, ubelduak zituen eta hilketa matxista izan dela uste du Frantziako Poliziak. Hilketa salatzeko mobilizazioak deitu ditu Euskal Herriko Mundu Martxak.
