GUREAN GAUR

Izaro Andres abeslariak ireki du Txotx denboraldia

Izaro abeslaria izan da garaiari hasiera ematearen arduraduna Alorrenea sagardotegian. Sagardo Berriaren 27. Eguna ospatzearekin batera, beraz, ekin diote txotxaren garaiari. Urtero Euskal Herriko pertsona ezagun batek izaten du txotx garaia zabaltzeko ohorea. Aurten, Izaro Andres musikaria gonbidatu dute zeregin horretarako. 2019ko uztak 12 milioi sagardo litro eman ditu Euskal Autonomia Erkidegoan eta Nafarroan, horietatik zortzi milioi eta erdi bertako sagarrarekin egina.