Ikusmiran berri bat aurkeztu du Ipar Hegoa fundazioak. Oraingo honetan, Euskal Herriko langileen lan eta bizi baldintzen bilakaera izan dituzte hizpide. Ikusmiran saileko urriko txostena da fundazioak berriki argitaratu duena; urtean ale bat baino gehiago argitaratzen dituzte hainbat gai ikertuz. Oraingo honetan, langileriak pairatzen duen krisi ekonomiko sakonari zenbakiak jarri dizkio LAB sindikatuaren fundazioak, eta azterketak mahai gaineratutako ondorioei heldu diegu Oihana Lopetegi Ipar Hegoa Fundazioko analisien arduradunarekin batera.