Lan erreforma izan dugu ardatz Pello Igeregi, ELA sindikatuko negoziazio kolektiboko arduradunarekin "Gakoak" saioan. Azaldu duenez, euren ustez, "iruzur hutsa" da, bereziki kezkatzen diena da Gobernuak ez duela hitza beteko, ez duelako 2012ko lan erreforma indargabetuko. Adierazi du, larriena, lan erreforma honek, 2012ko lan erreforma behin-betiko indargabetzeko esperantza lurperatzen duela. Egoera hau aldatzea ezinbestekoa dela azaldu du, eta horretarako, mobilizazioak egingo dituztela.