Kontseiluak hezkuntza lege berriak euskarazko eredua orokortzearen aldeko 20.348 sinadura jaso ditu ikas komunitatearen hainbat eragileekin batera. Sinadura horiek guztiak bildu eta legebiltzarkideei gutun bat helarazi die, hezkuntza sisteman ezarri beharreko hizkuntza ereduari buruzko egindako proposamenak aintzat hartzea eskatuz. Izan ere, Euskalgintzaren kontseiluak kezkaz hartu du egun indarrean diren hizkuntza ereduak legearen hitzaurrean berariaz jaso eta hiru hizkuntzen izaera bideratzailea ezartzeko helburu duten zuzenketak. Egungo oldarraldi judizialaren testuinguruan, zuzenketa horiek ereduen gaineko eztabaida epaitegietara eramateko aukera kezkaz ikusten dela azpimarratu du ere.