Igeldoko bizilagunek baietz esan dute. Igeldo Toki Erakunde Txiki bilakatzearen alde bozkatu du herritarren % 85k. % 47ko parte-hartzea izan du galdeketak. Orain Gipuzkoako Foru Aldundiari dagokio baldintza hori ematea. Lehen urtean aukera izango du Igeldok berdeguneak mantentzeko, zuhaitzak zaindu eta landatzeko, bideak eta zerbitzu publikoak garbitzeko eta argiak jartzeko. Eta erakunde deszentralizatuaren mendeko beste jarduera batzuk izango lirateke dirulaguntzak ematea eta transferitutako eraikinak mantentzea eta berritzea, hala nola Eskola Zaharra edo Itsas Aurre, besteak beste.