Arabako Foru Aldundiaren jarrera aldatzen ez bada aurtengo jaietan txosnarik ez dutela jarriko iragarri du batzordeak. Adierazi dutenez, eredu herrikoi eta sozial bat jarduera pribatuarekin parekatu nahi du aldundiak, Ticket Bai sistema erabiltzera behartuz. Bidegabe eta arduragabetzat hartu dute erabaki hau, urte luzez jaietan erreferentea izan den gunearen jarraikortasuna kolokan jarri baitu. Aldundiak, bien bitartean, irabazi asmorik gabeko erakundea direla egiaztatzen ez duten bitartean Ticket Bai sistema erabiltzea derrigorrezkoa dutela baieztatu du. Txosnen jarduera aktibitate ekonomiko gisa hartzen du Aldundiak eta ez du erabaki horrekin atzera egiteko asmorik erakutsi.