Iritsi da eguna, ondorengo ordu edota egunetan jakingo da nor izango den Ameriketako Estatu Batuetako presidentea.

Euskal Herriko eguerdiaz geroztik zabalik daude hauteslekuak Estatu Batuetan, estatubatuarrak hasi dira erabakitzen beraz, Konpromisarioen Biltzarra osatuko duten bostehun eta hogeita hamazortzi ordezkariak, eta horiek izango dira presidentea hautatuko dutenak. Organo horretan, estatu bakoitzari dagokion ordezkari kopurua bat dator estatu horrek dituen senatari eta kongresista kopuruarekin.

Gainera, Columbiako Barrutiak hiru delegatu ditu. Beraz, guztira, 538 ordezkariz dago osatuta Konpromisarioen Biltzarra. Horrenbestez, hauteskundeak irabazi eta presidente bihurtzeko, 270 boto behar dira batzorde horretan.