Ehunka pertsona bildu dira larunbat honetan Gasteizen ‘Justizia Kermanentzat’ herri plataformak deitutako elkarretaratzean. Otsailean, Mitika diskotekako atezainak ustez Kerman Villateri emandako kolpe baten ondorioz hil zen gaztea.
Segurtasun langileak bederatzi hilabete eman ditu kartzelan eta orain Arabako Probintzia Auzitegiak aske uztea erabaki du. Horren aurrean, Villateren familiak justizia eskatu du, eta bertso, aurresku eta minutu bateko isiltasunarekin oroitu dute Kerman.
