Giza katea, muinean erabaki nahia duten mobilizazioen isla

Igande honetan egingo da Donostia, Bilbo eta Gasteiz batuko dituen giza katea, Gure Esku Dagok antolatuta. Ba Eusko Legebiltzarrean harrera egin die Bakartxo Tejeria presidenteak GEDeko kideei.

 Anjel Oiarbide bozeramaileak esan du igandekoa ez dela ohiko mobilizazioa izango, besteak beste, euskal herritar gehien bizi den eremuetara helduko delako. Horrez gain, azken hilabeteetan Euskal Herrian izandako mobilizazio handienei erreparatu die Oiarbidek, eta nabarmendu du guztien minean erabakitzeko nahia dagoela.

Hain justu, Gure Esku Dagoko Nafarroako kideek eta Altsasuko gazte auzipetuen gurasoek elkarrekin agerraldia egin dute Iruñeko Justizia Jauregiaren aurrean. Han iragarri dute Altsasuko gazteen aldekoa izango dela giza kateko 193. kilometroa.

EH Bilduko Eusko Legbiltzarreko ordezkariek ere bat egin dute igandeko giza katearekin, Jasone Agirrek, Maddalen Iriartek eta Miren Larrionek egindako agerraldian nabarmendu dute herritarrek giza katean parte hartzearen garrantzia.