Ordezkapen zerbitzua jarri du martxan Oiartzungo Udalak herriko nekazari eta abeltzainentzat

Oiartzungo UdalaK herriko lehen sektorearen egoera iraultzeko bidea jarri du martxan, eta herriko abeltzainei eta nekazariei zuzendutako ordezkapen zerbitzua da iniziatibetako bat.

Baserri lanetan trebatutako langile bat kontratatu du Udalak Behemendi Landa Garapen Elkartearen bidez, eta oporraldietarako, ospakizunengatik egun libreak hartzeko eta bajaren bat dagoenean ustiategiak martxan jarraitzeko eskatu ahal izango dute ordezkapena, baita eskulan gehigarria behar dutenetan ere.