Erresistentzia antifeministak orokortuta daudela dio Emakundek bultzatutako azterlan batek

Erresistentzia antifeminista globalak orokortuta daude, baita euskal gizartean ere, Emakundek bultzatutako ikerketa baten arabera. Deustuko Unibertsitateko talde batek Miren Gutierrez ikertzailearen gidaritzapean egindako azterlanak eduki digitalak ikertu ditu. Aurrerapen feministen aurkako erreakzioak nonahi aurkitu daitezkeela ondorioztatu du. Feminismoaren beharra ukatzea, mugimendu erradikaltzat hartzea, gehiegizkoa dela esatea edota errepresio zuzena dira aurkitutako ereduetako batzuk.