40 graduko tenperaturak gainditu dira Euskal Herrian

40 graduko tenperaturak gainditu dira igande honetan Hego Euskal Herriko hainbat herritan eta kostaldean. Bero-boladak alerta laranja aktibatzea eragin du Hego Euskal Herrian. Izan ere, orain arte jasandako tenperaturarik altuenak erregistratu dira. Bilbon 41,7º gainditu dira. Iruñean 39º iritsi dira bigarren egunez jarraian. Gasteizen 38º neurtu dituzte. Donibane-Garazin eta Maulen ere 39 graduraino joan dira. Hiriburuak alde batera utzita, Laudion ezarri da gailurra. Euskalmeten eta Aemeten datuen arabera 42,8ºra iritsi dira. Sestaon, Sopuertan, Zizurkilen edo Loiuko behatokian ere 42º horietatik igaro dira.