8 domina lortu dituzte kirolari euskaldunek Pariseko Olinpiadetan

Parisek igande honetan esan die 'agur' Olinpiar Jokoei Stade de Francen egindako itxiera ekitaldian. 9.000 kirolarik eta 71.500 ikus-entzulek estadio bete dute. Parisek Los Angelesi pasatu dio Joku Olinpikoetako lekukoa. Guztira 43 kirolari euskaldun hartu dute parte aurtengo Olinpiadetan. Horietako zortzik lortu dute domina piraguismoa, futbola, saskibaloia eta eskubaloia bezalako kiroletan.

Pau Echanizek brontzezko domina irabazi du gizonezkoen banakako kayak frogan. Gracia Alonsok zilarrezko domina eraman du emakumezkoen 3x3 saskibaloian. Gizonezko eskubaloian Imanol Garciandiak, Kauldi Odriozolak eta Sergey Hernandezek bronztezko domina irabazi dute. Azkenik, futbolean Beñat Turrientesek, Aimar Orozek eta Jon Pachekok urrezko domina lortu dute. Kirolari guzti hauek Espainiako selekzioarekin parte hartu dute.