Oibarko eskola publikoan D eredua jartzeko eskaera erregistratu dute herriko zortzi familiak

Familiek eta Behatokiak euskarazko haur eskola bat eskatzeaz gain, Gabriel Valentin Casamayor ikastetxe publikoan D ereduko lerro bat zabaldu dezatela ere eskatu dute. Hezkuntza Departamentuari eskatu diote, gainera, ez dezala jarri "aitzakiarik eta oztoporik" Nafarroan euskarazko irakaskuntza zabaltzeko bidean.