Eusko Jaurlaritzak kurtso politikoa hasi du, alderdi politikoekin bilera erronda zabalduz

Ikasturte politikoari hasiera eman dio Eusko Jaurlaritzak. Erronka eta zeregin asko dituzte eta horiek partekatzeko talde politikoekin erronda bat zabalduko du. Bilera horien helburua da datozen hilabeteetan euskal agendan izango dituzten gaiak elkarrekin jorratzea. Lehendakariak hiru ataletan zentratutako gai-zerrenda helarazi die goizean alderdiei: Espainiar Estatuko eta EAEko egoera politikoaren azterketa, aurreikuspen sozioekonomikoak eta aurrekontuak eta autogobernua.