Manu Gomez: “Euskal Herrian 5.500 tortura kasutik gora dokumentatu dira frankismoaz geroztik”

1966 eta 2011 urteen artean Nafarroako Sakana eskualdean 149 tortura zenbatu dira, gutxienez. Bada, tortura horiez argi hitz egiteko 'Arg(h)itzen' dokumentala egin du Mikelatxo Urbi izenpean zuzendaritza talde batek. Manu Gomez zuzendaritzako kidearekin egoteko aukera izan dugu, Donostiako Zinemaldian aurkeztu bezperan. 30 lagunen lekukotzak jasotzen ditu ekoizpenak, tortura zer den eta estatuaren inpunitate egiturak argitara ateratzeko asmoz.