Asier Altuna, 'Karmele': "Bi exilio, musika, maitasuna, buelta eta erresistentzia”

‘Karmele’ Asier Altunaren filmak Kirmen Uribe idazlearen Elkarrekin esnatzeko ordua nobela du oinarrian, eta Jone Laspiur, Eneko Sagardoy, Nagore Aranburu eta Javier Barandiaran aktoreak ditu protagonista.

Liburuak bezala, filmak ere benetako gertakariak ditu ardatz, Karmele Urrestiren eta Txomin Letamendiren bizitzei segitzen baitie kontakizunak. 1937an, Euskal Herrian gerra galdua zela ihes egin eta erbestean ezagutu zuten elkar. Parisen eta Caracasen egon ostean, Euskal Herrira itzultzea erabaki zuten.