Sortuk gogor salatu du operazioa, eta bakerako bidea zangotrabatzea zein indarkeria baliatzen jarraitzea leporatu dio Madrili. Horrez gain, ETAren amaierarako hitzemandakoak ez betetzea leporatu dio Arkaitz Rodriguezek Espainiako Gobernuari, besteak beste, espetxe eta dispertsio politikaren aldaketei erreferentzia eginez.

Sare Herritarrak, bere aldetik, mendekuan eta gorrotoan oinarritutako politika egiten jarraitzea leporatu dio Madrili. Eta jendarteari dei egin dio ireki den ziklo berrian bizikidetzaren eta elkarrizketaren eraikuntzan parte har dezala.