Iruñeko Udaletxe plaza jendez lepo zegoen eta aldarrikapen bat baino gehiago ere ikus zitezkeen: Altsasuko gazteak aske uzteko eskatzen zuen pankarta, ikurriña edo Nafarroako bandera, euskal preso politikoak aske uzteko pankarta eta gaztetxeen aldekoa, besteak beste. Nola ez, duela bi urteko talde bortxaketaren harirako erabaki juridikoak ere kritikatu dituzte.
Udaletxeko balkoian, berriz, bandera ofizialen ondoan haga huts bat utzi dute aurten, ikurriña jartzeko mehatxu judizialak eraginda. Eta udaletxe barruan egon dira Uxue Barkos Nafarroako Gobernuko lehendakaria, Ainhoa Aznarez Nafarroako Parlamentuko presidentea, Bakartxo Tejeria Eusko Legbiltzarreko presidentea eta Altsasuko gazte espetxeratuen senideak, besteak beste.