Epailearen aurrean eseri behar izan du gaur lehen aldiz Kote Cabezudo, ustez sexu delitu batzuk egiteagatik behin behinean espetxeratutako kazetariak. Modeloei abusuak egitea, iruzurra, sexu erasoak egin izana eta haur pornografia sortzea leporatzen diote, besteak beste. Gaurkoan baina kasu orokorretik bereizitako gai batengatik epaitu dute. Zehazki, kasu orokorrean akusazio gisa salaketa bat aurkeztu zuen emakume bat biluzik agertzen den argazki bat sare sozialetara igotzeagatik epaitu dute gaurkoan. Emakumeak salaketa jarri eta hurrengo egunean igo zuen argazkia sareetara Cabezudok.