Bilboko kaleak betetzera deitu dute, jendartea "bizi-gaitza" dela salatzeko, batez ere emakume eta genero disidenteentzat. Nabarmendu dute eskubideen galera, hondamendi ekologikoa, gerra suntsitzaileak eta lurraldeen desjabetzeak salatu eta borrokatuko dituen feminismoa defendatzen dutela. Horregatik, martxoaren zortziko mobilizaziora joateko deia luzatu dute. Baita haren aurretik, astean zehar, hiru ildoei lotuta egingo dituzten ekintzetara joatekoa ere.