Jone Goirizelaia Bilboko EH Bilduko alkategaiak eta Aitziber Ibaibarriaga zerrendako kideak adierazi dute "nagusiak gogoan izanda, bihotz gazte batetik" sortu dutela zerrenda. Azaldu dute garrantzitsuena ez dela "nork gobernatzen duen edo nork daukan agintea, herritarrekin elkarrizketa bultzatzea" baizik, politikariak eta herritar oro maila berean daudelarik. Azaldu dute Bilborentzako ez dela ideia "loriatsuak" izateko garaia, zintzoak izateko eta herritarren defentsan aritzeko garaia baizik. Nabarmendu dute gidalerro hauen baitan sortu dutela Bilboko Udalerako zerrenda, eta adierazi dute Bilboko identitatea mantendu nahi dutela eta herritarren oinarrizko eskubideak mantendu.
