Hamaika Telebista|2020/07/09
Bakartxo Tejeria: "Ez dugu murrizketarik egingo eta ez ditugu zergak igoko, zorpetuko gara"

 

Uztailaren 12an Araba, Bizkaia eta Gipuzkoan egitekoak diren hauteskundeei begira, Hamaika Telebistan alderdi eta koalizio ezberdinetako ordezkariekin elkarrizketak burutzen ari gara. Gaurkoan, EAJk Gipuzkoan aurkeztutako zerrendaburu Bakartxo Tejeriarekin mintzatu da Beñat Zarrabeitia. Koalizioaren bilakaera, zerbitzu publikoak, politika industrial zein ekonomikoa, segurtasuna eta autogobernua hizpide.

Hamaika Telebista|2020/07/06
Iker Casanova: "EAJ da independentzia edo autogobernu gehiago lortzeko oztopo nagusia"

 

Uztailaren 12an Araba, Bizkaia eta Gipuzkoan egitekoak diren hauteskundeei begira, Hamaika Telebistan alderdi eta koalizio ezberdinetako ordezkariekin elkarrizketak burutzen ari gara. Gaurkoan, EH Bilduko zerrendakide Iker Casanovarekin mintzatu da Beñat Zarrabeitia. Zerbitzu publikoak, politika industrial zein ekonomikoa eta autogobernua hizpide.

Hamaika Telebista|2020/07/03
Leixuri Arrizabalaga: "Ez dira murrizketak egon eta ez dira egongo"

Uztailaren 12ko hauteskundeen harira, Hamaika Telebistan alderdi eta koalizio ezberdinetako hautagaiekin elkarrizketa bilduma osatzen ari gara. Gaurkoan, EAJk Bizkaian aurkeztutako zerrendaburu Leixuri Arrizabalagarekin mintzatu da Beñat Zarrabeitia lankidea. Bertan, alderdi jeltzaleak duen lidertza azpimarratzeaz gain, beste beste, eremu ekonomiko eta industrialetatik eratorritako erronkei aurre egiteko "gobernu sendo bat" behar dela nabarmendu du.

Hamaika Telebista|2020/07/02
Jasone Agirre: "Osasungintzan, gizarte zerbitzuetan eta hezkuntzan murrizketak daude, Urkulluk artaziak aterako ditu nahiz eta orain ukatu"

 

Uztailaren 12ko hauteskundeen harira, Hamaika Telebistan alderdi eta koalizio ezberdinetako hautagaiekin elkarrizketa bilduma osatzen ari gara. Gaurkoan, EH Bilduk Bizkaian aurkeztutako zerrendaburu Jasone Agirrerekin mintzatu da Beñat Zarrabeitia lankidea. Bertan, koalizioak industrian, osasungintzan eta hezkuntzan aztertutako proposamenak garatu ditu eta "gobernatzeko prest" daudela azpimarratu du.

Hamaika Telebista|2020/07/01
Iñigo Martínez: "Euskal jendartea ezkertiarra da eta horregatik nahi dugu ezkerreko gobernua osatzea"

 

Uztailaren 12ko hauteskundeen atarian, alderdi eta koalizio ezberdinetako ordezkariekin izandako elkarrizketak burutzen ari gara. Gaurkoan, Elkarrekin Podemos-IU Ezker Anitza koalizioko Arabako zerrendakide Iñigo Martinezekin solastu da Beñat Zarrabeitia lankidea. Ezkerreko gobernuaren aldeko hautua berriro ere azpimarratzearekin batera, zerbitzu publikoen indartzea, zaintza eta hezkuntzaren inguruko herri itunak edo ustelkeriaren aurkako fiskaltza sortzea dira koalizioaren ardatzetako batzuk.

NAFARROA GAUR|2020/07/01
Hamaika Telebista|2020/06/30
Eneko Andueza: "Zerbitzu publikoak hobetzea da aurretik dugun erronka nagusiena"

 

Uztailaren 12an egitekoa diren hauteskundeen harira, Hamaika Telebistak alderdi eta koalizio ezberdinetako kideak elkarrizketatu ditu. Gaurkoan, PSE-EEko Eneko Anduezaren txanda izan da. Beñat Zarrabeitia lankidearekin izandako solasaldian, "zerbitzu publikoen indartzea", "ekonomiari bultzada" ematea eta Gernikako Estatutuaren betetzea aldarrikatu ditu.

Hamaika Telebista|2020/06/29
José Ramón Becerra: "Ezohiko egoera batean ezohiko neurriak hartu behar dira"

Uztailaren 12an Araba, Bizkaia eta Gipuzkoan egitekoak diren hauteskundeen harira, Hamaika Telebistan alderdi eta koalizio ezberdinetako ordezkariak elkarrizketatuko ditugu. Aurrenekoa, Equo Berdeak-eko lehendakarigai José Ramón Becerra izan da, trantsizio ekologikoaren bidean zerga politikan aldaketak planteatzeaz gaindi, berreraikuntzarako gobernua proposatu du. Honatx solasaldiaren aurrerapena.

ARTEKALE|2020/06/26
Hamaika Telebista|2020/06/26
Imanol Karrera: "Langileek duten kezka nagusia enplegua bermatzea da"

 

Elkarrizketaren tartean, Beñat Zarrabeitia lankideak LAB-eko Imanol Karrerarekin solasteko aukera izan du. Bertan, langileariaren egoera eta pandemiak utzitako testuinguru sozioekonomikoa aztertu dugu.

Orria 1/ 224