Hilabete hasieran, lanaldi partzialen pentsio kalkulua egiteko Gizarte Segurantzako sistema ilegaltzat jo beharko litzatekeela esan zuen Europako Batasunak, baldin eta emakumeak baztertzen dituela frogatzen baldin bazen. LABek adierazi du nahikoa arrazoi daudela hori ziurtatzeko, Hego Euskal Herriko lanaldi partzialen %80 emakumeek betetzen dituztelako. Hori dela eta, LAB sindikatuak politika feministak eskatu ditu, emakumezkoek pairatzen duten soldata arrakalarekin amaitzeko.
