2013an Zubietako erraustegiaren eraikuntza gelditu zuten EH Bilduko ordezkariek. EAJk eta PSEk foru aldundiaren ardura berreskuratutakoan, epaitegietara eraman zuten gaia. Espainiako Kontu Auzitegiak joan den ekainean berretsi zuen koalizioko ordezkariek zuzen jokatu zutela errauste planta geldituta eta kargugabetu egin zituen. Kontsortzioaren ondorengo helegitea ere bertan behera utzi zuen. Aste honetan, erantzukizun ekonomikoak egozteko beste bide bat hartu du Gipuzkoako Hondakien Kontsortzioak: ondare-erantzukizuneko espedientea irekitzea, hain zuzen ere.