Peio Jorajuria Seaskako lehendakariarekin hitz egin dugu azaroaren 18an Beskoitzeko Ikastolaren alde antolatu duten manifestazioa hizpide. Jorajuriak azpimarratu du ikastola hori duela 10 urte sortu zela udaletxearen lurretan udaletxeko baimenarekin, baina salatu du azken 2-3 urteetan udaletxeak ”oztopatu” egin duela ikastolaren garapena, eta hainbat neurri hartu dituela horretarako.
Jorajuriak azpimarratu du adostasun bat atzeman zutela udaletxearekin ikastola berri bat eraikitzeko, baina salatu du udaletxeak eraikuntza baimen hori ukatu dietela: “Saiatu gara elkarrizketak abiatzen, baina ukatu egin digute, eta horregatik, manifestazioa antolatu dugu, ikastola hori garatzen utzi behar digula, eta euskararen defentsan ari garela aldarrikatzeko”.
Manifestazio ahalik eta “jendetsu” eta “koloretsuena” izan dadin nahi dute, erakutsi nahi dutelako “euskaraz bizi nahi duen herri bat dagoela, “horrek ahalbidetuko dielako elkarrizketa abiatzen eta konponbidea atzematen”. Goizeko 11:00etan abiatuko da manifestaldia, Beskoitzen.
Lan eta bizi baldintza duinak bermatzeko aldaketa politikoen alde egingo du LABek
Gipuzkoako basogintzari eta baso politikari buruzko ponentzia abiatu dute Batzar Nagusietan
Gladys Sarira hautagaitzak aurkezteko epea ireki da, emakume informatikariak aitortu asmoz
NUPen kanpaldiak aurrera jarraitzen du Israelek Rafahen aurrera egin ondoren
