UGT sindikatuaren ordezkariekin bildu da Imanol Pradales Eusko Jaurlaritzako lehendakaria. Uztailean alderdi, sindikatu eta bestelako eragileekin egindako errondaren luzapena izan da hau, agenda arrazoiak direla eta orain arte atzeratu dena.

Aurreko bileretan bezala, Osakidetzaren egoera izan da elkarrizketaren ardatz nagusienetako bat. Zerbitzua hobetzeko pribatizazio prozesuak bertan behera gelditu behar direla adierazi du Raul Arza UGTko idazkari nagusiak.