Araban barrena 180 kilometroko ibilbidea egingo dute txirrindulariek, Gasteiz eta Maeztu lotuz. Bidetik bi mendate igaro behar izango dituzte, Rivas de Tereso, Bergantzutik igoko dutena eta Herrera, lehenengo mailako igoera, helmugatik 40 kilometrotara koroatuko dutena. Errepide ezagunak izango dira euskal txirrindularientzat. Bereziki aurtengo lasterketan parte hartzen ari diren hiru arabarrarentzat, Ibon Ruiz, Oier Lazkano eta Mikel Landarentzat. Kirolaz gozatzeko ez ezik aldarrikapenerako eguna ere izango da. Palestinarekin Elkartasuna edota Gure Esku bezalako eragileek mobilizazioak deitu dituzte ibilbidean zehar.