Osasun Publikoaren Aldeko Herri Plataformak elkarretaratzea egin du ostegun honetan Gurutzetako ospitalearen aurrean. Euskal Osasun Ituna aurrera eramateko Osakidetzaren benetako diagnostiko batetik abiatzea eskatu dio Jaurlaritzari. Salatu dutenez, ez dituzte eragile eta herri plataforma guztiak kontuan izan ituna adosteko bileretan. Adierazi dutenez, Lakuako Gobernuak aurkeztutako dokumentuan “ez du osasuna bere alderdi guztietan jorratzen”. Hainbat eremutatik salatutako Osakidetzaren egoera kritikoari buruz “ez dagoela erreferentziarik” kritikatu dute.
Lehen Mailako Arretako zentroen itxierei eta ordutegi-murrizketei buruz aipamenik ez dagoela azpimarratu dute. Ezta osasun-garraioaren eta kupoak handitzeagatik langileek duten lan- gainkargaren egoerari buruzko aipamenik ere.
Julene Illarramendi, Iñurri: “Denok hilko gara. Bitartean, zer egin behar dugu? Bizi”
Donostiako Fantasiazko eta Beldurrezko astean gozatzeko filmak
Etxebizitza eskubidea aldarrikatu eta negozio izateari uzteko mobilizazioa deitu dute Iruñean
