Donostiako Illunbeko zezen plazan 'Mitoaroak' hiru data izango dituela iragarri du Zetak taldeak. Irailaren 5erako eta 6rako sarrerak astearte honetan irten dira salmentara eta ordu gutxiren buruan agortu egin direla jakitera eman du antolakuntzak. Hirugarren data bat iragarri du orduan taldeak: irailaren 7an izango da 21:00etan. Txartelak salgai daude dagoeneko eta 60 euroko prezioa izango dute pistarako eta 55 eurokoa harmailetarako.
