Aste honetan, Araba, Bizkai eta Gipuzkoako Hezkuntza Publikoko irakasleek bi greba egun izan dituzte; azken hilabeteetan, guztira lau lanuzte jardunaldi izan dira. Gatazka honen inguruan mintzatzeko izan da aktualitate solasaldian Lorea Igartua, LAB sindikatuko Irakaskuntza saileko ordezkaria.
Igartuak azken bi jardunaldiek izandako arrakasta azpimarratu du, profesionalen artean jarraipena zabala izan baita, euren datuen arabera. Gainera, lan hitzarmen berriaren beharra azpimarratu ez ezik, irakasleen berrikuntza prozesua abian ipintzea, ikasleriaren segregazioari aurre egitea eta hezkuntza sistemako beste kolektibo batzuen lan-baldintzak hobetzea ere aldarrikatu du, besteak beste.