Emakumearen Nazioarteko Egunaren atarian, Naia Kortaberria Bilgune Feministako kidea izan da Hamaika Telebistako aktualitate solasaldian. Emakumeek pairaturiko indarkeria ugariez, emakumezko eta gizonezkoen arteko berdintasuna lortzeko jorratu beharreko hainbat ildori buruz edota zaintza eta amatasuna bezalako gaiei erreparatu die elkarrizketan, besteak beste.

Larunbat honetako manifestaziorako Euskal Herriko Mugimendu Feministak hautaturiko leloaz (Faxismoaren kontra, ausardia eta alintza feministak!') ere mintzatu da. Kortaberriak esaldia "autokritikatik" aukeratu dela azpimarratu nahi izan du, 'faxismo' hitza "bere zentzurik zabalenean" erabiltzeko intentzioarekin. Hau da, "jarrera arrazista" edota "diskurtso transfoboak" ere barne hartuko lituzke kontzeptu horrek; "ez ditugu bakarrik eskuineko alderdietan mugimenduetan ikusten; ezkerrekoetan ere, tamalez, erreproduzitzen ditugu jarrera horiek", adierazi du.