Milaka pertsona bildu dira larunbatean Donostian, Palestinako herriari elkartasuna adierazteko eta Israeli genozidioaren amaiera eskatzeko. Su-etenerako adostutako faseak betetzea eta Israelek nazioarteko arautegiak bete ditzan behartzeko, nazioarteko komunitateari bere indar guztia jar dezan eskatu dute.
Datorren martxoaren 29an Kursaal aretoan eragile sozial, sindikal eta politiko ezberdinekin ekitaldi bat egingo dute. Bertan elkarrekin egin duten adierazpenaren berri emango dute. Bestetik, apirilaren 8an Euskal Herri osoko herri eta hiri guztietan mobilizatzeko deia ere egin dute.