Mireia Epelde Euskal Herria Batera ekimeneko kideetako bat izan da Hamaika Telebistako Aktualitate Solasaldian. Aberri Egun bateratua gauzatzeko aldarria egin du Euskal Herria Baterak azken urteetan eta horretarako, apirilaren 11n ekitaldia antolatu dute Donostiako Kursaalean. Alderdi politikoei egun hori beraien auzi propio bezala irudikatu baino "denon auzi bezala" jorratzeko eskatu die Epeldek.
"Herri bat gara; herri bat garen heinean, alderdi politiko ezberdinak daude, pentsatzeko modu ezberdinekin. Baina, aldi berdinean, toki berean bizi gara eta puntu amankomuna daukagu", azpimarratu du.