Jai giroa izan dute aste hasiera honetan Gasteizen, San Prudentzio eta Estibalizko Andre Mariaren omenezko ospakizunetan. Astelehen arratsaldean, Antonio Altarrabia idazleak eman zuen pregoia, eta horrekin eman zitzaien hasiera maiatzaren 1era arte luzatuko diren jaiei.
Ospakizun nagusia asteartean izan da, San Prudentzio egunean. Bezperan, hala ere, danborradak girotu zuten arratsaldea, eta pregoiaren ondoren, ohiko erretreta jo zuten udaletxeko balkoitik. Foru Plaza tronpeteroen eta atabalarien doinuekin bete zuten, eta gauean, gastronomia elkarteen danborradak hartu zituen hiriburuko kaleak.