Sagardotegietara bisitan doazenei errespetuz jokatzeko eskatu diete Astigarragak eta Hernanik

Azken urteetan, bisitari kopuru handia jaso dute Astigarragan eta Hernanin txotx garaian zehar eta horrek hainbat ondorio dakartza, ez denak positiboak. Hori hala, garai honetan sagardotegietara doazen bisitariei errespetuz eta arduratsu jokatzeko deia egin diete. Bi herrietako Udalek ‘Gure etxean zaude. Zaindu’ kanpaina bateratua abiatu dute.