Eider Inunciaga "Ezin da zerbitzu ona eskaini, euskara ez bada barrutik bizitzen normaltasunez"

Eider Inunciaga Bilboko Udaleko zinegotzia izan da Hamaika Telebistan. EAJko politikaria Euskara, Herritarren Arreta eta Partaidetza, 2030 Agenda eta Nazioarteko Gaietarako alorren arduraduna da Inunciaga. Udal gobernuaren urte t'erdiko ibilbidea baloratzeaz gain, hizkuntza-eskakizunen inguruan plazaratutako azken epaiez, kalean sumatzen den euskararen erabileraz, 2030 agenda ezartzeko moduaz edo berak kudeatzen dituen eremuetan martxan jarririko azken ekimenei buruz hitz egin du.

Gainera, udal langileek euskara herritarrekin komunikatzeko erreminta gisa erabili ez ezik, egunerokotasunean euskal hizkuntzan jarduteko garrantzia ere azpimarratu du. "Uste dugu modu holistiko eta oso batean txertatu behar dugula euskara langileen bizitzan", adierazi du zinegotziak.