2025 ABU. 20 - 13:57h Bilboko udalaren jarrera kritikatu dute Kai Nakai, Olatz Salvador eta Maren abeslariek Arakatzaile honek ez du bideo elementua onartzen. GUREAN GAUR Kai Nakai, Olatz Salvador eta Maren abeslariek Bilboko Udalaren “tratu txarra” publikoki salatu dute sare sozialetan, Abandoibarrako kontzertuak bertan behera utzi ondoren. Sare sozialetan adierazi dutenez, Udalak ez baitzien azalpenik eman kontzertuen ezeztapenari buruz, eta ardurak agertokiaren muntaketa kudeatzen zuen enpresarengan jarri ditu. Salaketak aurretik zetozen gertakariak ere biltzen ditu, esaterako, Aste Nagusiko kontzertuak iragartzean Udala ahaztu egin zela Olatz Salvador eta Maren aipatzeaz. Gainera, Udalaren webgunean kronika bat argitaratu zutela azpimarratu dute, kontzertuak egin izan balira bezala, nahiz eta inoiz ez ziren gauzatu. Artistek barkamena jaso ez dutela adierazi dute, eta horregatik erabaki dute gertatutakoa publikoki azaltzea. Azpimarratzen dute azken erantzulea Bilboko Udala dela, eta gertatutakoa errespetu falta instituzionalaren adibide dela.