Oporrak Bakean plataformarekin etorri ziren 213 ume sahararrak etxera itzuli dira

Ume sahararrak Arabako, Bizkaiko eta Gipuzkoako hainbat aterpetxetan eta familiren etxetan egon dira uztailaren 17tik abuztuaren 28ra arte 'Esperantzari leiho bat' lelopean. Gatazka politiko luzetik eta 55 gradutara heltzen den tenperatura bortitzetik babesteko baliogarria izan zaie denbora hau. “Haurren irribarreak gure herriak eta etxeak argitu ditu uda honetan, eta hori guztia posible izan da familia, boluntario, elkarte eta erakunde publikoen konpromisoari esker,” nabarmendu du antolakuntzak. Horrez gain, umeei eskerrak eman dizkiete “bizipoza eta freskotasuna” transmititzeagatik.