GUREAN GAUR|2018/07/12

Alemaniako Justiziak Carles Puigdemont Kataluniako Generalitateko presidente kargugabetua espainiaratzea erabaki du, diru publikoaren erabilera bidegabea leporatuta. Aldiz, baztertu egin du Kataluniako presidente ohiari matxinada delitua leporatzea. Horrenbestez, Espainiako Justiziak soilik Alemaniak onartutako akusazioarengatik epaitu ahalko du.

GUREAN GAUR|2018/07/12

Kultura edukietarako “lehiatila bakarra” izan nahi duen Liburubila proiektua aurkeztu dute Joxean Muñoz Eusko Jaurlaritzako Kultura sailburuordeak eta Mikel Aizpuru Kultura Ondarearen zuzendariak. Atarian, 845.000 liburu, 16.250 liburu digital eta 67.267 ikus-entzunezko artxibo izango dituzte eskuragarri herritarrek bestelako kultura edukiekin batera.

GUREAN GAUR|2018/07/12

Bizkaiko traineru txapelketa jokatu zen atzo Lekeition. Emakumezkoen mailan Kaikuk sorpresa eman zuen eta faboritoari, Deusturi, hemeretzi segundoko tartearekin irabazi zion. Gizonezkoetan, Zierbena eta Urdaibai gogor lehiatu ziren bandera irabazteko eta azkenean Bou Bizkiak hiru segundoko aldearekin eskuratu zuen garaipena. Gipuzkoako txapelketan, San Juan eta Hondarribia nagusitu ziren.

GUREAN GAUR|2018/07/12

Arabako Kaleratzeak Stop plataformak elkarretaratzea egin du Gasteizko Amarica plazan, Mawa eta Mohameden eta haien lau seme-alaben etxegabetzea salatzeko. Vitalquiler agentziari leporatu diote lotsarik gabe lapurreta egitea eta familia zaurgarri bat bazterketara bideratzea.

GUREAN GAUR|2018/07/12

Legedi arrunta ezarrita, zigorraren hiru laurden beteta dituztenek eta 70 urtetik gorakoek berehala geratu beharko lukete libre.

GUREAN GAUR|2018/07/11

Iruñean German Rodriguez hil eta hiru egunera hil zuen Poliziak Joseba Barandiaran, tiroz, Donostian. . Barandiaranen familiak uste du Iruñeko Udala ari dela German Rodriguezen hilketa argitzeko bidean pausoak ematen, eta hori bera eskatzen du haien senidearen hilketaren auziarako.

GUREAN GAUR|2018/07/11

GUREAN GAUR|2018/07/11

2016ko sanferminetako talde bortxaketagatik zigortutako militarrari lanera itzultzeko baimena eman dio Defentsak. Bere eginkizunetarako zuen etena bertan behera utzita, lantoki berria egokitu zain dago orain Alfonso Jesus Cabezuelo. Defentsa Ministerioak adierazi du ezin duela lanera itzultzea eragotzi, baina ez diola inolako lantokirik egokituko.

GUREAN GAUR|2018/07/11

GUREAN GAUR|2018/07/11

Baiezko espliziturik egon ezean, sexu jarduna delitu izatea nahi du Espainiako Gobernuak. Carmen Calvo presidenteorde eta Berdintasun ministroak asteartean Kongresuan azaldu zuenez, Zigor Kodea eta Prozedura Kriminalaren Legea moldatu nahi dute, Alemania eta Suedia eredu gisa hartuta.

Orria 170/ 221