Atharratzetik Bilbora, milaka lagunek bat egin zuten “euskara gara” lelopean, eta hamaika egunez olatu indartsua sortu zen. Bada, Korrikaren 13. egun bat irudikatu nahi izan dugu; horretarako, mezu sekretua idatzi zuten mezugileekin batu gara. Gaurkoan, Xalbat Alzugarai Etxeberri urepeldarrarekin egin dugu hitzordua Korrikaz, mezuaz, euskararen egoeraz eta pizkundeaz solasteko.