115 ikastoletako lehendakariak Hernanin bildu dira ostegun honetan, Euskal Herriari eta euskal komunitateari egiten dioten ekarpena aldarrikatzeko. Agerraldian, ostiralean matematikako azterketa euskaraz egingo duten ikasleei babesa adierazi diete, urrats horrek etorkizuneko belaunaldientzat aukera berriak zabaltzen dituela nabarmenduz. Era berean, ikastolen helburua euskaraz bizi eta ikasteko eskubidea hezkuntza ibilbide osoan bermatzea dela azpimarratu dute.