2026 API. 22 - 17:07h PSE-EEk “ezinezkotzat” jo du EAJrekin euskara eskakizunen akordioa Arakatzaile honek ez du bideo elementua onartzen. Ainhoa Lainsa Enplegu legearen hizkuntza eskakizunei dagokionez, Eneko Andueza PSE-EEko bozeramaileak adierazi du PSE-EE eta EAJren artean akordioa lortzea “ezinezkoa” dela. Astearte honetan eman du prentsaurrekoa Bilbon, administrazio publikoko lanpostuen euskarazko C1 mailako hizkuntza eskakizunak arautzen dituen legearen inguruan EAEko sozialisten jarrera berresteko. Hala ere, bi alderdiak negoziazioetan murgilduta dauden arren, Anduezak iritzi du jeltzaleen proposamena “milaka euskal herritarren eskubideen kontrakoa” dela. Enplegu Publikoaren Legea aldatzeko zuzenketak aurkezteko epea apirilaren 30ean amaituko da, eta bi proposamen daude mahai gainean: EAJrena eta EH Bildurena. Jeltzaleek hizkuntza eskakizunen derrigortasuna kentzea eta erabakia administrazio bakoitzaren esku uztea proposatu dute, tokian tokiko errealitatea kontuan hartuta. Koalizio subiranistak, berriz, euskara eta gaztelanian maila bereko eskakizunak jartzearen alde egin du, baina zenbait lanpostutan euskara ikasteko epeak eta formakuntza eskaintzea proposatuz. Orain, proposamenak aurkezteko epea amaitu baino astebete lehenago, PSEk EAJrekin akordioa lortzea “oso zaila” dela dio, eta EH Bildurekin, berriz, “ezinezkoa”, azken hau hasieratik jada baztertu baitzuen.