Bizkaiko metalgintzako bost eguneko greba deialdiak indarrean jarraitzen du, atzoko bilera akordiorik gabe bukatu ostean. Jarrerak hurbildu ziren, baina ez zen nahikoa izan lan hitzarmen berria adosteko. FVEMek “elementu atzerakoak” kendu zituen, baina ez zituela aurrerapausoak proposatu lan baldintzei dagokionez, uste dute sindikatuek.

Horrez gain, sindikatuek diote patronalaren proposamenak ez duela sektoreko langileen eros ahalmena bermatzen. Bien bitartean, patronalak grebak bertan behera uztea eskatu du. Edonola ere, ez zuten beste batzarrik hitzartu, eta, momentuz, sindikatuek astebeteko greba deialdiari eutsi diote.