Aranzadi Zientzia Elkarteak Irulegiko Eskuaren aurkikuntzaren berri eman zuenean, argi utzi zuen inguru horretan lanean jarraituko zutela. Ikertzaileek denbora gehiago emango dute aztarnategia induskatzen, oraindik ez baita jakiterik aurkikuntzek goia jo duten.

Indusketa kanpainak hiru hilabete inguru iraungo du, eta oraindik esploratu gabeko ehun metro koadroko eremu batera bideratuko da. Historia eta arkeologia ikasleek indusketan lan egingo dute. Irulegiko Eskua zaharberritzeko lanak bukatzear dira, eta, beraz, pieza laster izango da Nafarroako Museoan ikusgai.